Dening: Ki Pandan Alas
Sak jagad donya iki nyeksèni Donald Trump lan Netanyahu nyerang negara-negara berdaulat miturut karepé dhéwé. Sawisé Vénézuéla, dhéwéké mbokmenawa rumangsa gampang nyerang Iran. Ing Vénézuéla, Donald Trump nyulik Présidèn Maduro lan garwané.
Lan saiki ing Amerika lan Israel Iran nyerang nganti dadi marahi séda pimpinan Iran, Ayatollah Ali Khaéenéi. Alesané digawé-gawé dhéwé, mung kanggo alasan dadi mbeneraké serangané.
Donald Trump iku pimpinan Dewan Perdamaian (Board of Peace-BoP). Dewan sing mestiné njaga “perdamaian” lha buktiné malah nggawe rubeda, kisruh lan matèni wong akeh, klebu bocah-bocah sekolah ing Iran. Edan tenan.
Ing tengah kisruh donya kuwi, Indonesia bingung. Lho kok bisa? Amarga Indonésia mélu dadi anggota BoP. Mbanjur dadi bingung kepiyé tumindaké? Indonesia misuwur minangka negara non-blok. Lan wiwit madeg dadi negara berdaulat, wis berjuang kanggo ngilangi kolonialisme saka donya iki.
Nanging nalika nyeksèni Amérika lan Israél nyerang Iran, Indonésia mbanjur kepara gojag-gajèg lan ragu-ragu. Ora yakin kepiyé kudu tumindak.
Akèh sing getun karo Indonésia sing ambigu. Indonésia ora mélu prihatin, béla sungkawa kanggo sédané Ayatollah Ali Khaménéi. Padahal Indonésia wargané mayoritas muslim. Senajan beda aliran, Indonésia Sunni. Iran Syiah.
Présidèn Indonésia kepara rumangsa ora kepénak menyang Donald Trump amarga Indonésia wis dadi anggota BoP, lan Donald Trump dadi ketuané. Utawa mbokmenawa wedi karo Amerika. Lha apa sing diwedéni? Apa wedi mbatalaké perjanjian perdagangan karo Amérika? Lha, malah kebeneran ta? Tegesé malah bébas saka kewajiban perdagangan, sing miturut para ahli, malah luwih akèh nggawé rugi Indonésia.
Perang AS-Israél karo Iran saya tambah sengit. Saiki, AS lan Israel kagét rumangsané Iran bakal gampang nyerah sawisé pemimpiné tiwas. Jebul Iran malah nglawan nganggo rudal-rudal sing kepara ampuh banget.
Sistem pertahanan Israel, Iron Dome, Arrow-3, lan David’s Sling, kewalahan. Ngadhepi udan serangan drone lan rudal saka Iran. Rudal Fattah-2 lan Kheibar Shekan malah bisa nembus pertahanan langit Israél. Iran wis ngluncuraké 1.800 serangan rudal sajrone perang ing patang dina.
Iran uga ngluncuraké serangan rudal menyang pangkalan Amérika ing negara-negara Timur Tengah Qatar, Kuwait, Bahrain, Arab Saudi, Yordania, lan UAE. Serangan kuwi nggawé negara-negara wiwit rumangsa, yén anané pangkalan AS sejatiné malah mbebayani negarané dhéwé.
Iran mbuktèkaké yèn serangan balesan iku dudu mung ancaman kosong. Laporan anyar mratélakaké yèn Mayor Jenderal Tomer Bar, panglima Israél sing paling dhuwur, sing tanggung jawab marang supremasi langit Israél, tiwas ing serangan balesan Iran.
Tomer Bar, arsitek serangan langit Israél tiwas nalika Iran ngluncuraké gelombang rudal balistik lan drone sing nembus sistem pertahanan paling canggih ing donya. Tiwasé nandhani ambruké mitos IDF sing ora bisa dikalahaké. Iki minangka kelangan gedhé tumrap intelijen Mossad lan Israél.
Khamenei ing pihak Iran lan Tomer Bar ing pihak Israel wis tiwas. Lawang negosiasi saiki wis dikunci kanthi rapet. Lan kunciné wis dibuwang. Donya mung bisa ndeleng nalika loro kekuwatan gedhe iki, nyérét manungsa menyang jurang perang sing bisa uga ora ana sing menang.
Pungkasaning atur, bali menyang Indonesia. Kita prihatin, amarga kita ora tumindak apa-apa. Nalika nyeksèni arogansi déning kekuwatan gédhé sing kanthi sewenang-wenang nyerang negara berdaulat. Lan nggawé pimpinané tiwas, amarga alesan sing digawé-gawé.
Heru Legowo
